نقسم عله الخالج العلّام ینصرنه ویعزنه

أو یحفظ الإسلام من سوء الأیّام

ینصرنه ویعزنه

 ***** 

یا إلهی انصر الامّه بجاه أبوالقاسم نبینه

أو جاه ابوالیمه وامّه الطاهره وگومه وبنینه 

منك انرید النصر ومن المالك تنّجینه 

یرحمنه كلنه اصغار واكبار ینصرنه ویعزنه

یخذل الكفار والگوم الأشرار

ینصرنه ویعزنه

یا إلهي وبعد نطلب منّك العز والهدایة

انرید تحمینه یبادي الكون یا رب البرایه

لا تخلی ابلیس یدنه احدودنه ویدهم الثایه

باری النسم باسم المیامین    ینصرنه ویعزنه

ویرف لوه الدین فوگ المسلمین 

ینصرنه ویعزنه

 ***** 

أو بعد نترجه الإله ونطلب الغفران منّه 

یغفر الذنوب العباد أو بالقیامه یكف عنّه

بسم ابوالیمه وهله وگومه مجدنه یرجع النّه

نبني صرح عزنه ومجدنه ینصرنه ویعزنه 

لا طاغي یدنه لا یصل حدنه 

ینصرنه ویعزنه

 ***** 

امّه مرحومه حملنه أو سام من ذات الجلاله 

واتّبعه وانتهجنه ابمنهج المصطفه وآله

لا نحید امن الطریج العدل لا نغیّر الحاله

نتّبع منهاج الرساله             ینصرنه ویعزنه

مُسلم مثاله                  المنهج حِلاله

ینصرنه ویعزنه

 ***** 

مسلم المنهج حِلاله وراد للاسلام یعمل

ابأمر من والد الیمه الكوفه الغدّاره اگبل

دخل لیها ویلوسفاه شاف عكس الچان یأمل

گوم الخیانه غدرته

خطّارِها وماراعته

ممتحن ظل ابغربته

 ***** 

اتأمرت كوفان كلها وبالغدر ابدت الفكره

گامت اتحفر الحفیره اترید ساعه وتنهی أمره

وسفه مسلم وگع بیها والدمه من اجروحه تجره

هجمت علیه گوم الغدر 

رحانه تهتف بالنصر 

أو مسلم بگه دمعه یذر

 ***** 

چتّفوه الگوم وسفه ومشوا  بی الدعیه

آمر ایذبحوه ومن الگصر یرمون الشفیه

عملوا اشماراد منهم واعتدوا گوم الردیه 

شدّوا یویلي بالحبل

رجله ویجرون النفل 

وین الهواهشم خل تصل

خل تصل هاشم الكوفه تاخذ ابثارات مسلم 

الصفحة السابقة الصفحة التالية فهرس الكتب