سترون ان کل بیت بدأبکلمه؛ صاغها الله لعلي ابن ابی طالب× وهي کلمة(علي):

 الشاعر سيدجبار الجبيلي

علي البس مصطفي نفسك بس اهوه 

علي البيك انتخي صدگ بس اهوه 

علي للموت ماعوفك بس اهوه 

طريقك يل طريقك فوز ليه

 فأجاب الشاعر: اسماعيل الخنفري

علي شفديلك ويسوي عمرلا

علي ابلياك كون الله عمر لا

علي انت فخرگومي عمرلا

علي بس انت حيدر عل وطيه

  فأجاب الشاعر: ابراهيم التمیمی

علي اضعون الشرف برضک تبارک

علی بیت العلي ابجيتك  تبارك

علی انته  الاتی و  عمه  و تبارک

 علی لجلك خلق ربك نبيه

فأجاب الشاعر: محمد الشبوط

علی ابدرس الحکم عدله علمنه

علی ابسمه  ولا ینکس علمنه

علی اولولاک من خلقت علمنه

علی الضدک نشربه اسموم حيه

فأجاب الشاعر:هاني المذحجي

علی گلبی ابمحبته صار موگد

علی چم گید حل للدین موگد

علی گد للخلافه وعمر موگد

علی گدها البطل حامی الحمیه

فأجاب الشاعر: الچلداوي

علی ابکلشی لـون عدیت اول

علی ومیقاتل اله ایکــون اول

علی الیبغض نگله روح أو،ول

لئـــن مــوطاهــره نطفة ابیه

فأجاب الشاعر: عبدالامیر

علی التاریخ بسمه شع بیانه

علی ومن عنده ماخذ شعبی انه

علی خلانی اصبح شعبی انه 

اموت و ما اطخ راسی بدیه

 فأجاب الشاعر: محمد دريس

علي مامات اسمك دوم بلحي

علي ابذكراك لا مانام بلحي

علي ابأسمك تهوس ازلم بلحي

وتشد ميدان هوسه اعله الوطيه

فأجاب: ابواسراء الصالحي

علي الما هاب بالميدان كرها

علي و روس الكفر بالسيف کرها

علي ايوصل لعقر النار كرها

علي و حبه سلام الله و تحيه

فأجاب: علي رضا النوروزي

علی ماج المراجل من قضلها

علی وشمس المدالک من قضلها

ومقاضیل الرعیه من قضلها

علی غیرک عله وجه الدنیه

 فأجاب الشاعر: سعيد الهلالي

علي اردان العزم للحرب چفه

علي اسماط العده اعله الگاع چفه

علي ابفد سطره من اعزوم چفه

شلع مرحب او خيبرهم سويّه

فأجاب الشاعر: عباس الخنفري

علي یا حی ذهب اسمک وحیدر

علی یا حی ابوالحمله وحیدر

علی حی مسقط الراسک وحیدر

الکعبه الیابتک حامی الحمیه

فأجاب الشاعر: ناصرالبوعبيد

علي الجنّه علي المسجد وکعبه

علي مامن خصم الّا وکعْ به

علي ایشرّفنه منداسه وکعبه

علي الجبریل یاخذله تحیّه

فأجاب الشاعر: محمدالثامري

علي وبس عشگك اهوا الي بهايم

علي وكل يم علم عندك        بهايم

علي والخالفوك اهما           بهايم

و أخس من هاي ذوله السرسريه

فأجاب الشاعر: سيدمحمدالملبوب

علی حيدر الی نخوه كفنلای

  علی ابياهک اشدعوزی كفنلای 

علی حبک انا اموصی كفنلای

بشت عطفک يلفونه عليه

فأجاب الشاعر: حنون البحراني

علی آبه من الباری وحلها

علی الاحمدالفسرها وحلها

علی ردالشمس بیده وحلها

علی احزام النبی وسیفه واخیه

فأجاب: سيدطالب الموسوي

علی ابگاع المجد بسمک عمرنه

علی  اوهادین  لترابک عمرنه

علی  لو   گالوا  السنه  عمرنه

علی  صحنه  فخر  کل  البریه

فأجاب الشاعر: سيدباقرالريحاني

علی هوه النبی ابنفسه هوالباع

علی هوه الفده ابروحه هوالباع

علی هوه اصل دینی  هوالباع

محبته؛ایضل بهیمه ابلا رعیه

فأجاب الشاعر: جعفر عساكره

علی ادرک وب العدل والحگ سراها

علی الفقره بفضل جوده سراها

علی اهموم الدهرگلبه سراها

کتمها وبس شکه الرب البریه

فأجاب الشاعر: هادي المقيطي

علی عزمک  عزم  ربک وطاها

علی یل جدمک الحومه وطاها

علی  چفک هده  امنیه وطاها

لعدمرحب یحمای الحمیه

فأجاب الشاعر: قيس العدگي

علی اوبسمک نعدل احمول ونشیل

علی اوبسمک نلف اجروح ونشیل

علی العافک سگم مصیوب ونشیل

علی اوبسمک ندوس اعله المنیه

فأجاب الشاعر: عقيل الاسدي

علي نفحة هوانه وبيتهنه

علي وحبك العاشگ بيتهنه

علي ما يخله منك بيتهنه

علي ماضيع وعيونك عليه

فأجاب الشاعر: رسول عبيداوي

علی یعرف الشیعی من أذانه

علی یسطر الناصب من اذانه

علی روح المعاند من إذانه

 یطلعها ابلویته الهاشمیه

فأجاب الشاعر: سعيد الثامري

علی یل بیک ثگل الحمل ینشال

علی وچم جرح بسمک صبح ینشال

علی چف الیضدک کون  ینشال

علی العاداک نار ابعین ابیه

   ★★★★★★★★

:memo: فأجاب الشاعر:

    رمضان العگيلي

علی هزبرکرامه اوزودهزبر

علی ماهزچفوفه ابخل هزبر

علی صوته خلس فرسان هزبر

علی ابسیفه المنیه اتصب منیه

 ★★★★★★★★

:memo:فأجاب الشاعر:

    هاشم المقيطي

علی ابوسط  الدلیل  ابنیت  حیلاک

علی اوگلب الیحب مومیت حیلاک

علی ابلهفه  الموءذن  صاح  حیلاک

علی او خیرالعمل تحلاک هیه

   ★★★★★★★★

:memo:فاجاب الشاعر:

 صادق ابوزینب التمیمی

علی اسمه انکتب یاناس بسما

علی حتی الله هم افتخربسما

علی عفت الهل هلیوم  بسما

اعوفنک علی حامی الحمیه

  ★★★★★★★★

:memo: فأجاب الشاعر:

     فاضل الفجر

علی الأمر نبی اسلیمان جنهه

علی ابذاته خصال الطیب جنهه

علی ابحبه جمیع اعضای جنهه

علی و لولاه ما ظل عگل بیه

    ★★★★★★★★

:memo: فأجاب الشاعر:

    فاضل ثوامري

علی ظیه ابسمه التاریخ لاله

علی اعضیدالنبی والغیرلاله

علی اشلون الحکم مواله لاله

علی الحاکم بعدسیدالبریه

  ★★★★★★★★

:memo:فأجاب الشاعر:

  محمدابوحسام عساكره

علی ابئسمک یضل زاهی ودینه

علی دربک هدنأ للحق ودينه

علي العافك خسر عمرا ودينه

ابدماتلگه بي ذرت حميه

  ★★★★★★★★

:memo:فأجاب الشاعر:

       محمد الأميـري 

علي الشيّد الاسلام ودين 

علي الكسّرالمنجيق ودين

علي انـريـده موفقـط ودن

علي انـريـده خَيـر البــريـه

※محمد ابوبنين الأميـري※

•●●الفلاحيـه الولائيـه●●• 

:pencil2:فاجاب شاب جليل عگبی

ضمیری وکل عضو ابجسمی علی ایصیح

ولسانی ایرددابحیدر علی ایصیح

ابیوم الحشرللشیعه علی ایصیح

الدرب منه یموالی الزچیه.

الصفحة السابقة الصفحة التالية فهرس الكتب