"صحیفہ نور" (وصیتنامہ حضرت امام خمینی ؒ )سے”اقتباس”

میں نہایت سنجیدگی اورعاجزی  کے ساتھ تمام مسلمانوں سے یہ درخواست کرتاہوں کہ وہ ائمہ اطہار علیہم السلام کی جو دنیائے انسانیت کے عظیم رہنماہیں ،سیاسی ،سماجی ،اقتصادی اور فوجی تعلیمات کو اچھے طریقے اورجان ودل سے اپنائے رہیں اور اس کی پیروی میں اگر عزیزوں کی قربانی کی ضرورت پڑجائے تودریغ نہ کریں ۔

منجملہ یہ کہ مروجہ فقہ  سے جوانہیں کی رہنمائی کاجزوہے چاہے احکام اولیہ ہوں یا احکام ثانویہ ،دونوں  ہی فقہ اسلامی کے مکتب امامت ورسالت کے ترجمان اوریہی نسلوں کی عظمت وترقی کے ضامن ہیں۔ مسلمانوں کو سرمومنحرف نہیں ہوناچاہیے اور انہیں حق ومذہب کے دشمنوں کی وسوسہ اندازیوں پرکان نہیں دھرناچاہیے۔

یہ یاد رکھیں کہ ہمارا ایک بھی غلط قدم مذہب ،احکام اسلامی اورحکومت عدل الٰہی کے زوال کاپیش خیمہ ثابت ہو سکتاہے ۔نماز جمعہ وجماعت سے بھی جو نماز کے سیاسی پہلو کامظہر ہیں، ہرگز غفلت نہ برتیں کیونکہ یہ نماز جمعہ اسلامی جمہوریہ ایران پر خدا کی عظیم ترین عنایتوں میں سے ایک ہے۔ عزاداری  ائمہ اطہارؑ خصوصا سیدالشہداء مظلوم کربلا حضرت ابی عبداللہ الحسین علیہ السلام کی مجالس عزاداری سے بھی کہ جن کی زرمیہ داستان خلق کرنے والی روح پراللہ تعالیٰ ،انبیاء ،ملائکہ،اور صالحین کا درود ہو کبھی غفلت نہ برتیں۔