آپ کے خطوط

مسئول محترم مجلہ"عشاق اہل بیت"

السلام علیکم

بعداز سلام آپ کا ہدیہ کردہ مجلہ"عشاق اہل بیت" ہم تک پہنچا پڑھ کر بہت خوشی ہوئی واقعاً یہ رسالہ اسلامی ،ثقافتی اور فکری تقاضوں کو حدتک پوراکررہاہے۔

ہمارایہ ادارہ بھی ملت اسلامیہ کے دینی ،ثقافتی فکری اور جدیدتقاضوں کو، کتب اورویڈیو،آیڈیو کیسٹوں کے ذریعے پوراکرنے میں کوشاں ہے یہ بات بھی قابل ذکر ہے کہ یہ ادارہ 12 مجتہدین ومراجع کے اجازوں کا حامل ہے امید ہے کہ آئندہ بھی کارہائے خیر میں آپ ہمیں یاد رکھیں گے۔

اسلام ومسلمین بالخصوص آپ تمام کارکنان کی پیروزی وسر فرازی کی تمناؤں کے ساتھ۔۔۔

والسلام

معاون مکتبہ غوروفکر

سیدسرفراز حسین رضوی

جناب رئیس ادارہ

سلام علیکم

بعداز سلام۔۔۔ آپ کا شائع کردہ رسالہ "عشاق اہل بیت" پڑھ کر بہت خوشی ہوئی کہ رسالہ تمام علمی ضرورتوں کو پورا کررہاہے امید ہے کہ آئندہ بھی بہتر سے بہتر طریقوں کو بروئے کار لایاجائےگا۔

جیسے کہ یہ ہماری لائبریری بھی عمومی ہے جس سے رانی پورشہر کے عوام جوش وجزبہ سے استفادہ کرنے میں مصروف ہیں ۔امید ہےکہ آپ یہ رسالہ ہر دفعہ ارسال فرمایا کرینگے۔

خداوندآل محمدکے صدقے ایرانی انقلاب ،رہبرعظیم اورتمام مراجع وطلاب عزیزکو اپنے حفظ وامان میں رکھے۔

والسلام

انجمن جانثاران اہلبیت ولائبریری(پاکستان)