سلام

ازخدائے سخن  میرانیس اعلیٰ اللہ مقامہ

گزرگئے تھے کئی دن کہ گھر میں آب نہ تھا 

مگر حسینؑ سے صابرکواضطراب نہ تھا

حسینؑ اورطلب آب، اے معاذاللہ  

تمام کرتے تھے حجت ، سوال آب نہ تھا

فشار سے جوبچامیں ہواز میں کوعجب   

صدا قبر نے دی حکم بوتراب نہ تھا

اگربہشت میں ہوتے نہ کوثر وتسنیم 

تو رونے والوں کی آنکھوں کاپھر جواب نہ تھا

حضؤرشاہ ؑ پھرآیاکہاں سے حرؒ شہید؟  

خطاکی راہ میں گرجادہ صواب نہ تھا

فقط حسینؑ کے بچوں پہ بند تھاپانی  

بہت قریب تھی وہ نہرقحط آب نہ تھا

ہوئے تھے خشک یہ صحرا کے نخل گرمی سے

 تیری کلی میں نہ تھی ،پھول میں گلاب نہ تھا

ہواتھاپیاسوں کے حق میں یہ آسمان بخیل  

 کہ مہینہ کاذکر توکیا، پارہ سحاب نہ تھا

یزید تخت پہ تھا اورتلے امام ؑ کاسر

شقی کوروح پیمبرؐ سے کچھ حجاب نہ تھا

فراق شاہؑ میں صغرا کونیند کیا آتی

وہ شب تھی کون سی دل کوجواضطراب نہ تھا

ہراک سحر کوکہتی تھی اٹھ کے نانی سے 

 مدینہ دور نہ تھا بند خط کاباب نہ تھا

بھلاپیام زبانی توبھیجتے بابا  

 اگرمریض کاخط قابل جواب نہ تھا

ملک یہ کہتے ہیں منہ پرچھڑک کے حوروں کے 

 کہ رونے والوں کے آنسو تھے یہ گلاب نہ تھا

کتاب کفرکاکاٹا علیؑ نے شیرازہ    

کسی کی فصل نہ تھی اورکسی کاباب نہ تھا

انیس عمر بسرکردو خاکساری میں   

 کہیں نہ یہ کہ غلام ابوتراب ؑنہ تھا