علماء کی یاد۔مجلہ عشاق اہل بیت 3۔ربیع الثانی،جمادی الاول، جمادی الثانی ۔1415ھ

علامہ سید محمدباقر نقوی۔یکم رمضان المبارک 1294ہجری کو بمقام چکڑالہ ضلع میانوالی کے ایک علمی گھرانے میں پیدا ہوئے۔پرائمری تک تعلیم حاصل کرنے کے بعد صرف ونحو کی ابتدائی کتابیں اپنے بڑے بھائی حضرت مولانا سیدطالب حسین سے پڑھیں ۔جب مولانا سیدطالب حسین صاحب مزید تعلیم کیلئے باہر چلے گئے توآپ مولانامحمدعیسیٰ صاحب سے پڑھنے لگے۔مولانا محمدعیسیٰ فرقہ اہل قرآن کے جانی عبداللہ چکڑالوی کے صاحبزادے تھے۔اسکے بعد آپ حضرت مولانا سیدشریف حسین صاحب کے پاس جگراؤں ضلع لدھیانہ پہنچے اور وہاں اسباق حاصل کئے ۔پھر لکھنؤ بھی کچھ عرصہ رہے۔اس کے بعد اورنٹیل کالج لاہور آگئے اورپنجاب یونیورسٹی لاہور سے 199ء میں مولوی فاضل کاامتحان امتیازی حیثیت سے پاس کیا۔ منشی فاضل کاامتحان بھی پاس کیا۔کچھ عرصہ اورنٹیل کالج میں مدرس بھی رہے اسکے بعد وطن تشریف لائے اور 1914ء سے درس تدریس شروع کیا۔
سنہ 1925ء میں چک نمبر 38 خانیوال تشریف لے گئے جہاں تقریباً بیس سال یعنی 1945ء تک علوم آل محمدعلیہم السلام کے دریا بہاتے رہے۔ 1945ء سے 1966ء تک بدھ رجبانہ ضلع جھنگ تشریف لے گئے یہاں کے مدرسہ کے جملہ اخراجات ایک نیک خاتون مسماۃ چندان سیال برداشت کرتی رہیں۔ ... باقی مطلب